【銅鑼灣】現年35歲嘅唱作人恭碩良同47歲嘅林憶蓮拍拖三年，近日傳出佢哋有意年底拉埋天窗，姊弟戀修成正果。喜事近嘅恭碩良，大前日6點幾撇甩憶蓮母女，佢先喺銅鑼灣會合一名年輕女伴，佢哋去咗糖街一個商場裏邊嘅改衫店，恭碩良入到店，好心急除咗身上嘅牛仔褲，完全冇顧慮隔住玻璃門會俾人乜都睇晒。恭碩良除褲後即露出格仔孖煙囪，同佢件黑白格仔背心咁鬼襯，內外呼應。
𤷪𤺧爆粗
恭碩良將條有體溫嘅牛仔褲交咗畀改衫女師傅，原來佢條褲爆咗軚，唔怪得要咁趕搵人幫佢補，跟住恭碩良就當眾着咗條紅色波褲，同行嘅年輕女伴可能覺得有啲尷尬，行開咗一陣，大約20分鐘，女師傅補完褲畀恭碩良着番，佢條牛仔褲前面大髀位置原來都好多窿窿，不過呢啲窿係款式唔使補。
恭碩良着番條褲又猛用手check吓爆軚部位補成點，佢咁啱望出玻璃門發現有記者影相，搞到好𤷪𤺧，仲好唔高興爆粗㖭。
採訪、攝影：陳辰、楊浩賢
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange