搵食，對的士司機吳業培來說，是硬道理，但在港島區揸夜間的士的他今年卻「唱反調」，「講真要搵食，我唔係年年都去，但今年我就一定會去，呢個政府越嚟越衰，唔係話乜嘢抗爭，而係要發聲，話畀啲高高在上嘅高官知，我哋啲小市民唔係好蝦」。培哥直言，左派施銀彈戰術適得其反，「嗰啲買樓免佣、去超市買嘢平一個幾毫，簡直侮辱我哋呢啲小市民！」
十年前50萬人上街，62歲的他是一分子。那一年，培哥最難忘，因為他成為負資產苦主，還破了產。03年，他不諱言為了一股怨氣行出嚟，「嗰時反董，𠵱家睇番，佢原來唔係咁差，咁樣先至最悲哀！」
在港島區揸的士，每逢7.1，他總遇示威者堵路，「上年7.1，接咗嗰客，揸到去皇后像廣場，啲人（示威者）跑晒出嚟，塞咗45分鐘，係有啲無奈，但又唔係日日係咁，之不過，今年我唔怕堵路囉，因為今年我唔開工，約埋老婆同個仔去遊行」。