賭王千金何超蓮噚日去咗巴黎睇Kenzo時裝騷，最鍾意追星兼自拍嘅佢，仲喺微博大晒同韓國人氣組合BIGBANG成員太陽嘅搭膊照，搞到唔少網友鬼咁妒忌。之後超蓮又同朋友去餵白鴿同騎木馬。
另一邊，男友吳克羣噚日凌晨都喺微博話過咗個「美好的夜」，不過原來佢只係睇咗《死神來了5》同食咗個叮叮麵，似乎唔夠超蓮咁精采，唔知超蓮睇到會唔會心痛呢？
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！