曾演出不少經典劇集的甘草演員蘇杏璇，上月12日因中風後併發症逝世，終年64歲。昨日蘇杏璇家人為她於世界殯儀館景仰堂設靈，今日出殯後，遺體將移往鑽石山火化場火化，骨灰將安放在清水灣大澳門湛山寺。
蘇杏璇丈夫許成彪昨日偕一對子女一早到靈堂打點，喪禮將採用佛教儀式，昨日特別安排了九位法師和三位大法師在靈堂誦經，許成彪昨接受訪問說：「因為璇姐係佛教徒，彌留時有法師幫佢誦經，所以佢走得好安詳，今次再請咁多法師嚟念經，都係希望佢可以到西方極樂世界。」
齋舖交兒子打理
問到璇姐生前有甚麼遺願？許成彪說：「璇姐心願係將齋舖交畀個仔打理，因為佢一直好努力宣揚素食、弘揚佛法。」其子許豐麟昨日表示：「等媽咪上埋山，搞晒啲身後事之後，我都會諗諗可以幫間齋舖做啲乜。」
許成彪又表示：「璇姐生前去過呢間寺探訪過啲老人家，佢自己又去過拍戲，嗰度背山面海，佢生前都好喜歡個環境。」
為配合蘇杏璇生前意願，善信友好若想以花牌花圈表達心意，可將花圈錢捐到種德祥寺基金會有限公司，為「柬埔寨建設希望小學」籌募建校基金。昨日靈堂放了捐款箱，其夫許成彪指在柬埔寨起學校是她的心願。不過昨日還是有不少藝人包括梁朝偉、劉嘉玲、吳孟達、劉德華、羅嘉良和亞視獻上花牌。
鮑姐：璇姐好安詳
關菊英、羅蘭、黃文慧和黃夏蕙昨晚陸續到靈堂送蘇杏璇最後一程，鮑起靜昨晚到靈堂致祭後，見她步出靈堂時雙眼通紅，她表示：「頭先見到璇姐都好安詳，佢係一位好專業演員，佢嘅離開係娛樂圈損失，雖然我只識咗佢十幾年，但同佢都算傾得埋，之前同佢喺《影城大亨》做兩姊妹，當時合作得好開心，後來我有病，佢送一個缽畀我，叫我每日敲七下個缽就會好，果然我照佢咁做就好番。」黃淑儀昨日拜祭完蘇杏璇後，哭成淚人，她平靜後接受訪問說：「我冇諗到佢走得咁快，以為佢切咗腳趾後會好番，其實知道佢有糖尿病時，我都有勸佢睇醫生。」
採訪：張俊銘
攝影：仇志德
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange