7.1巨蛋維穩騷《香港巨蛋音樂節》今天在舊啟德機場跑道舉行，因參與維穩騷被樂迷鬧爆的RubberBand昨為音樂節綵排，其間RubberBand演唱為反國教集會站台時的歌曲《睜開眼》，堅持今天於台上表達訴求後，會參加7.1遊行。不過，另一支本地樂隊Mr.曾表明完成演出後會加入遊行大隊，但昨日成員縮沙，指「做埋show先決定。」
記者：陳 辰 李志明 譚靜雯
以賤價99元促銷、被譏為「維穩騷」的《香港巨蛋音樂節》今日下午2時開始，演出歌手包括韓國的BoA、中韓組合包括EXO和f（x）、SJ-M成員Henry；還有香港樂隊Mr.和RubberBand。
曾在facebook表態，聲稱遭「強姦」、「身在曹營心在漢」、「七一維園見」的樂隊RubberBand昨下午約3時到舊啟德機場綵排。整個綵排歷時約1小時，RubberBand在台上演唱《睜開眼》，主音6號接受《蘋果》記者訪問時強調，大會沒限制演出者選歌，「好自由，我哋做番自己。」他又稱，今天在台上表達完訴求後就會去遊行。
Mr.：冇指引要求唱咩歌
直至下午約4時，樂隊其他成員結束綵排後，乘坐七人車離開，車輛抵達上環時，記者上前追訪泥鯭，他拒絕接受訪問，但他昨晚更換facebook的大頭照，用一張黑底白字的相片「NO！」；前日則上載了一張相片：「維港我舞台 維穩不要來」，表明心聲。
另一支本地樂隊Mr.昨晚約7時開始綵排，演唱的兩首歌都是與社運有關，包括《森林》及《What R We Fighting 4》。Mr.強調綵排十分順利，「唱嘅歌都喺自己揀，冇指引要求唱咩歌，自由度好大。」不過，曾表明音樂會後會加入遊行大隊的Mr.，成員Ronny、Dash昨縮沙說：「做埋show先決定。」
龍小菌遊行前唱歌打氣
除了本地樂隊，來自韓國的BoA昨都飛抵香港，昨晨約11時已有大約30名歌迷接機，大批警員及保安戒備。至下午約1時50分，BoA走出機場，面帶笑容與粉絲及記者揮手。不過有記者用英文問BoA會否認為音樂節有政治目的，她零反應，沒回應記者提問，極速五秒上車離開。
另外，歌手龍小菌力撐7.1遊行，將於約1時45分現身維園舞台以歌聲打氣，唱出反國教歌曲《思潮作動》、二次創作《狼來了》及Beyond《長城》，之後加入遊行隊伍，晚上再參加遮打花園的7.1音樂會。她說：「身為香港人7.1梗係要表達訴求，政府應該推行小班教學，減低師生比例，學生喺學校嘅學習效率就能夠提高。」
歌手藝人用腳表態
歌手盧凱彤：
文明社會嘅權利
「我7.1當然會上街，因為呢個做法係爭取自己相信嘅事，喺一個文明社會係唔可以拎走㗎。我當然支持明哥啦，希望反歧視法立法。另外就係房屋方面租金太貴，加上近嚟屋企人有病進出政府醫院，所以想醫療做好啲。另外一個議題就係同環保有關，我好想政府立法將食魚翅列為非法，拯救瀕臨絕種嘅動物。」
藝人郭晉安：
着雨衣風雨無阻
「我會去香港嗰邊（遊行），見到就見啦。」他相信即使落大雨仍無阻遊行人士的決心，「就算橫風橫雨大家都會諗辦法，咪着雨衣囉，風雨無阻。」至於上街訴求？他說：「教育囉，唔好逼得（小朋友）咁辛苦……我曾經探訪過一啲單親家庭，佢哋只佔一個上格床位，希望藉遊行引起大家對呢方面關注，香港窮到得四乘六嘅碌架床，點解呢？」
歌手吳彤：
要真正普選特首
「 7.1遊行我會參與，佢哋夜晚6點至9點喺遮打嗰度會有個音樂會，我會喺現場唱埋《黃雀飛》。我上街嘅主要訴求係希望有真普選，𠵱家香港有咁多問題，主要係仲未有真正普選。如果香港有真正普選，特首就會有市民授權嘅力量，佢做每個決定，都會有一定人去支持，就算我哋選完一個後悔嘅特首，都係我哋自己去承受番。」
藝人林建明：
為低下階層發聲
「今年更加要去，上街因為我愛香港，愛香港就要去，慶回歸嘛！希望市民有屋住、開心有工做，大愛呀！不滿好多低下階層人士生活差過以前年代，冇嘢做又窮，大陸人嚟香港，政府要做好配套，尤其是教育，要畀多啲佢哋等佢哋融入香港，好多個案如殺人、跳樓都係老公好老，老婆好後生喺大陸嚟，好多呢啲慘劇，應多關注。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
【7.1上街】毋懼打壓 打機消氣
近年警方經常粗暴對待示威者，輕則熊抱兼抬人，重則出動胡椒噴霧「喪噴」示威者。但港人追求民主無畏無懼，點會輕易屈服？即玩《七一的進擊》和《Don't BIG Me》兩個小遊戲，大家一齊消消氣。
網頁遊戲：七一的進擊： http://bit.ly/71defend
手機遊戲：Don't BIG Me： http://bit.ly/Dontbigme