有人認為社會一日存在不公義，便已值得上街，但也有人如社工巫志勇一樣，覺得左右為難，「今日嘅7.1，已變成數人頭遊戲，不滿政府同親政府對陣，睇吓邊度人夠多，大家各自叫陣，我覺得咁樣好古怪」。
80後巫志勇，是2011年造成九死三十四傷旺角花園街大火的倖存者，因大火後質問曾蔭權房屋政策缺失，成為新聞人物。這個為弱勢社群發聲的熱血社工，卻謂對上街與否感到迷失。「我遊行，我嘅身份就係反政府；我唔上街，就係親政府，好似冇人會再理會你嘅訴求係乜嘢……」
除A餐B餐，他期望還有其他選擇。回想03年7.1，50萬人上街，他也是一分子，當年反而無猶豫不決，「03年經濟好差，喺社區中心做小職員，月薪$5,000，好多人因為投資不利出嚟，但坦白講，當年我好肯定我係為咗反對23條立法上街，到後來爭取雙普選，我都有行，今年行唔行？我仲要諗諗」。