梁振英政府上場即成跛腳鴨，班子相繼出事……出版過不少「政治書」的次文化堂社長彭志銘，形容今年7.1，對比十年前更無望。告別人人高呼董建華下台的03年，他苦笑謂先發現原來低處未算低，「2013年，除咗上街，真係別無選擇！」
「只係十年，香港人個個變晒神經病，每日打開報紙，只會不斷搖頭，一路嘆氣，心就喺度流血，唔係我一個人係咁，而係每一個香港人都係咁。最離譜係有人日日俾人鬧，但仲夠膽吹噓自己做咗好多嘢。一唔係畀啲所謂着數你，去惠康買嘢平兩毫子，去百佳買嘢送個橙，簡直侮辱緊正常智力嘅人。」
彭志銘直言與大部份香港人一樣，感到憤怒又無力，有人抱着「既然係咁，不如乜嘢都唔做」的心態，但他卻說不。「你更加要行出嚟，要行畀大陸睇，唔係行畀習近平睇，而係要行畀13億人睇，話畀佢哋知，人民有能力當家作主」。