黃衫軍
柏雷素爾雖冇屬於自己嘅專門店，但位於柏市火車站附近嘅Kamo專門店都有佢哋嘅專櫃。據店員荒川繪梨奈（圖）透露，逢比賽日特別熱鬧，想做黃衫球迷？就學佢咁將最多人買嘅球隊波衫、打氣頸巾同球衣型電話繩，帶晒上身啦。
零食物語
日聯球迷真幸福！之前提過日聯盃贊助商，每場波都預備咗成萬包零食畀入場球迷分享，昨日見到班球迷搶閘入場拎零食，真係相當壯觀，而佢哋仲可以拎門票用嚟儲分換禮物，港甲真係值得學習。
柏雷「香川」
「香川」都撐柏雷素爾？柏軍有數千名球迷入場捧場，所謂人有相似，當中有份帶領粉絲唱歌嘅球迷會Leader（左），着住件黃衫，都真係有幾分似多蒙特年代嘅香川真司㗎！
