蔚雨芯、洪卓立、吳若希等前晚在九展開音樂會，梁柏堅傳與王菀之分手後戀上陳淑莊，有人更爆料指梁柏堅曾跟吳若希拍拖，並以老公老婆相稱。吳若希說﹕「肯定冇，我哋係好兄弟，最多係互叫肥仔同肥婆。」她直言與梁柏堅很熟，自己的處女歌《我的大日子》亦是由男方創作，吳若希表示喜歡張智霖這類好sweet的男人，問是否嫌梁柏堅不夠靚仔？她笑說﹕「佢唔係唔靚仔，佢都好叻都有才華，我都好欣賞，但真係冇一齊過。」
此外，蔚雨芯前晚穿上兩側開窿裙，與舞蹈員大跳辣身舞，更被由頭摸到落腳，她說：「個dancer好好人，教我好多嘢，跳嘅時候好投入，完全唔覺尷尬。」她更自爆穿了兩條內褲及一條打底褲防走光，但最後仍不慎露出打底褲。
採訪：胡比
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！