【劉家良病逝之心情平復】劉家良師傅上周二病逝,遺孀翁靜晶昨日在大女兒劉萬儀陪伴下,到尖沙嘴與陳百祥(阿叻)為首的治喪委員會,以及丁羽、黃家禧,電影美指和剪接師等代表,就喪禮事宜開會。經過兩小時會議後,公佈喪禮定於下月23日在紅磡世界殯儀館設靈、24日出殯,29日在寶蓮寺火化,骨灰稍後移送沙田寶福山安放。
翁靜晶臉帶倦容,女兒亦一臉憔悴,她不欲受訪,趁阿叻發言時悄悄離開,即被傳媒追訪,場面混亂,女兒幾度被傳媒咪牌撞到,行到樓梯時有人差點跌到,翁靜晶說:「大家小心,你哋前面係一條樓梯,如果你哋碌落去係非常之唔好。」及後她停下腳步受訪,說:「多謝,劉師傅有咁多人支持佢,電影工會同武術界出好多力,幫師傅做啲嘢,記者工會亦聯手去做。」問她心情如何?翁靜晶說:「好,我多謝你哋,大家想整件事好,我心情平復咗好多比第一日。我哋(女兒)大家都平復好多。我接受咗呢個事實,為師傅做好身後事,希望大家同我一齊做,師傅係屬於香港人屬於大家。」她表示有事情會在facebook公佈,自己已在11歲皈依,劉師傅亦會在喪禮儀式中進行皈依。據悉劉家良的遺照,將用《醉馬騮》打功夫的造型相。
設基金推動電影
此外,阿叻表示扶靈名單由翁靜晶提出,待聯絡好後再公佈,設靈日下午安排公祭讓影迷送別,靈堂橫匾寫上「一代宗師」,輓聯是洪拳口訣「剛柔逼直分定寸,提留運制訂乾坤」,與寶福山龕位刻字設計相同。他續說:「劉太買咗15個位,就係要將墓碑整到好靚,會搵個寫字靚嘅人去寫。佢仲想幫劉師傅成立基金,將大家送花圈錢捐入基金,幫助電影人。而成個喪禮費用亦係劉太出,佢入咗筆錢畀演藝人協會做殮葬費,用淨會捐埋去基金。」靈堂佈置由美指負責,以白色花為主,剪接製作特輯在靈堂內播放及有一本紀念冊。
採訪:魯萍
攝影:黃文偉
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange