24支球隊，26場比賽，經過一整日激鬥，兩支隊伍Roller和BIG TEAM出線，殺入明日在灣仔修頓室內場舉行的「水動樂橫洲工業2013籃球邀請賽」主賽圈。主賽圈甚有甲一味道，以藝人余文樂為首的橫洲工業，獲黃鎮煒和周健宏客串，配搭新鮮，其他球隊亦坐擁劉子健、張偉康等甲一主將，甚有瞄頭。記者/攝影：林湛穎
因天雨關係，外圍賽改在元朗賽馬會室內場舉行，24隊經抽籤後分成A、B兩組爭首名出線主賽圈。賽事大部份球員都是學生或在職人士，部份球隊亦獲甲一球員壓陣，其中一位是福建後衞鄧志恆，他代表CASTLE出戰，但在B組次圈出局。
梁民熊劉子健做隊友
A組決賽由思維對Roller，外圍賽只得兩節，每節打10分鐘，兩隊上半場打得手緊，打成5:5，有趣的是Roller上半場的所有得分都由陳駿文射入，下半場的Roller的手風更順，打出一節6:0攻勢，最終贏25:15出線。B組冠軍戰戰況峯迴路轉，擁有林羽和余永興兩名甲一成員的BIG TEAM，半場仍落後迪民11:13，但林羽換邊後一記3分球助球隊反超前，隊友曾兆熙之後連入8分，最終BIG TEAM反勝29:21，取得主場圈的最後一席。
明午展開的主賽圈是甲一的縮影，上季獲得季軍的橫洲工業，除余文樂等骨幹成員，還盡攬黃鎮煒、周健宏和蔡龍德等甲一中鋒，先對Love & Peace。
另一焦點是擁有劉子健、李嘉耀及梁民熊的香港星對教聯，梁民熊說：「我和劉子健雖效力不同球會，平日沒有機會一齊練，所以感覺會好新奇。首仗對手教聯都搵來福建的張偉康和鄭錦興，實力都不俗。」
花絮
樂仔打波為聯誼
提起橫洲工業，自然唔少得陣中藝人主力余文樂（圖），身為半個搞手嘅樂仔同幾個隊友到場睇波約1小時，然後再去練波。樂仔話當然想贏波，但最主要目的係聯誼，話晒個個隊友平時都各有各忙，可以聚埋一齊已經夠happy。
鷹聯邦？
冇乜出名球員嘅飛鷹捧走今屆甲一常規賽冠軍，聲明大噪。佢哋球迷就組織咗一隊「鷹聯邦」參賽，仲請到前飛鷹後衞林嘉良（左）幫手，可惜呢班鷹迷唔爭氣，喺A組準決賽出局，入唔到主賽圈。
小學雞背心
一班人組隊打波本來係開心事，但如果有隊員唔記得帶波衫，咁就麻煩啦！呢種罕見場面真係發生咗，其中一隊要焗住着上大會提供背心（圖），尺碼唔啱身，外形又怪怪地，下次唔好再咁大懵啦！
