【本報訊】特首梁振英競選時承諾以源頭減廢為主導，但上任後便急急擴建堆填區，激起從不上街的將軍澳居民自發參與7.1遊行，當中包括曾參與爭奪澳洲絕世筍工的港生梁彥宗（Chris），「政制未能正確反映民意，大部份官員不負責任，政府好需要改善。」他曾於美國著名普林斯頓大學副修環境學，認為政府應從源頭減廢入手，反對擴建堆填區。
Chris居於將軍澳十多年，兩年前由坑口搬到日出康城，他爭奪絕世筍工失敗後剛返港，回到日出康城數日已感受到堆填區的臭味，「好似垃圾站味道，酸酸哋……冇辦法啦，又冇得開把遮擋住」。Chris大學副修環境學，平日貫徹環保生活模式，「好少開冷氣，除非好熱瞓唔到，醒咗就閂，好似刷牙時唔好成日開住水嚟刷，洗碗都唔好開住水喉，少用膠袋。大家一齊做就會有效」。
未做好源頭減廢
他指政府未做好源頭減廢，「長遠梗係唔支持擴建（堆填區），應該減少廢物產生，多啲循環再造」。他又批評政制未能反映民意，明日決定獻出首次7.1遊行，「我覺得如果我唔出嚟，係不負責任」。
一群將軍澳居民亦計劃參與7.1遊行，要求政府終極關閉堆填區。居民批評梁振英違反政綱承諾以源頭減廢為主導，要求他下台。居民葉先生也是首次7.1上街，他說：「今次擴建事件殺埋身，政府太多大話，問題咁切身所以要企出嚟。」