《怒》當你喺停牌期間超速駕駛被捕，會點同法官解釋？昆士柏流浪中堅安頓費迪南（圖）嘅答案就相當不孝，就係賴阿媽！安頓喺庭上話，文件往來一向都係阿媽負責，而阿媽就一直冇同佢講話要停牌，所以佢就咩都唔知咁揸車出街！安頓都算好彩，最終法庭只係判佢罰款同停牌一年，唔使坐監。但係佢28歲人，堂堂球星，連自己要停牌都唔知，靠晒阿媽，真係未免太誇張！