每年一度嘅英國Glastonbury音樂節，喺香港時間前日開鑼，但其實呢項活動正式名稱應該係當代表演藝術節，唔止有紅歌星唱歌，仲有唔少藝術嘢。好似呢個吊住幾名舞蹈員、十足機械蜘蛛嘅耍雜技裝置，就係今屆藝術節嘅重點推介，佢仲識得噴火，喺漆黑天空營造出奪目影像，加埋DJ打碟睇到觀眾嘩嘩聲。至於前日其他矚目之處，包括搭到成隻船咁嘅鞦韆，畀睇完騷嘅人玩餐飽，而且有個觀眾着住套超人衫現身，仲笠埋超人面具，認真出位。歌手方面，雖然Rita Ora出盡奶力fing頭，搞到成隻獅子咁款，但唔及晒bra又晒「海膽」嘅Amanda Palmer搶鏡，唔怪得女星施安娜美娜睇到勁high，要同諧星Chris O'Dowd攬攬啦。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！