【本報訊】7.1大遊行常客莊天頌（Francis），1997年回歸創日本潮物店JC Shop，經歷三代的爛特首，小商戶未獲任何扶助，他屢經生意失敗，憑港人打不死精神東山再起，最後遺憾地在澳門才達成16年來的夢想，斥資8,000萬開設潮流百貨公司。他說：「我哋唔好指望梁振英政府，啲官淨係識貪，連港人引以為傲嘅誠信都冇埋。咁嘅政府，香港仔成功創業故事越嚟越少，中小企要上街發聲。」
「只係識貪威識食」
45歲的Francis，在其店前望着過去16年暢銷的「他媽哥池」、狗繙譯機，欷歔地說中小企在港成功創業困難，「問政府貸款要過五關斬六將，細公司政府根本唔理你。生存要靠自己」。Francis一句說話，道盡回歸16年中小企面對三代爛政府的苦況。特區政府班底越來越爛，本港營商環境越來越差，「啲租金加到天價，中小企好難做」。最令他谷氣是高官只識貪，僵化沒創意，「佢哋冇創造營商環境，只係識貪威識食、飲茅台，港人核心價值誠信冇埋，成為國際新聞，丟盡香港人架」。
此地不留人，Francis近年走到澳門發展，更剛簽約斥資8,000萬在金沙城開設潮流百貨公司，圓16年的夢想，「好遺憾，香港仔唔可以喺香港圓夢，我唔會放棄香港，會立足澳門，反攻香港」。他說要香港好，不要指望梁振英政府，中小企7.1一定要上街發聲，不要無誠信的政府。