香港男子5人足球隊正響南韓仁川舉行嘅亞室運踢緊分組賽，主力之一嘅黃耀富（圖）前日對南韓，同對手爭波時被打中眼角，由於傷口好深，入院縫咗15針，難得富仔有心情叫同佢入院嘅物理治療師幫佢影低縫針過程，仲要放喺面書講笑咁話順便整埋容。雖然富仔重創兼可能破相，但向來硬淨嘅佢話，希望今日對澳門可以落場，幫香港開齋。