【本報訊】去年熱烈慶祝民建聯前立法會議員劉江華敗選的沙田乙明邨街坊，打從一開始就對特首梁振英不存任何期望，所以不像其他「梁粉」會失望，但他們也沒料到「沒有最差、只有更差」，因為梁振英過去一年表現，拙劣得超乎想像，街坊們認為梁治下香港較十年前更壞，今年7.1鐵定上街，不但要求梁振英下台，更要爭取全港普羅市民，有權揀選特區話事人。
一提及梁振英，街坊梁小姐嗤之以鼻，直言對梁振英這位經常「反口覆舌」的特首從來不存期望，就如委任劉江華一事，「選民都唔選佢，仲要佢輸咗（立法會選舉），大家好開心咁慶祝，梁振英冇理由唔知，咁都仲政治任命佢做副局長，冇說話好講啦。」
現居於上水的舊街坊葉太聞言也插口批評梁振英：「（佢）話唔自滿喎，其實邊有人會滿意啫？」她最不忿是梁振英誇口解決了水貨客問題，其實問題越來越嚴重，「𠵱家上水間間舖都好多人攞貨、堆滿晒人，又搞到租金貴、啲日用品都貴」，上水的港人現已儼如「少數民族」。
誓上街爭取普選
挺梁大將、恒隆主席陳啟宗日前指梁振英治下一年，是香港自03年後最好的時候。梁小姐倒覺得，這一年是回歸16年來最差，「佢（梁振英）有邊樣係掂呢？好似一間公司嘅CEO（行政總裁）咁，點會自己落手落腳做？識用人就任何嘢都安排妥當，但最慘佢唔識用人。」她不諱言，以往討厭激進民主派的行為，但如今亦理解其原因，「唔嘈仲有咩做到？原來咩都做唔到，因為佢咩都聽唔到入耳」。
梁小姐跟葉太與另一街坊鄭先生一樣，十年來的7.1都有上街，今年更覺得有必要站出來。令鄭先生動容的是，就連從不關心時事、從未參與遊行的太太，眼見香港情況越來越差，政制毫無寸進，今年也自動自覺表明會陪他走到街頭，合力爭取港人一人一票，普選特首。