碧咸日前開始遊遍上海、南京同北京等地，履行中國足球超級聯賽大使嘅責任，大前日先結束中國行，然後佢同老婆Victoria坐私人飛機離開，前晚同噚日碧咸就馬不停蹄出席品牌活動。
前日碧咸去巴黎舉行嘅時裝周，欣賞Louis Vuitton 2014春夏男裝騷，LV行政總裁Michael Burke同設計主帥Marc Jacobs一齊坐front row傾時裝經，噚日就返英國出席手錶活動。
「退休唔使再受傷」
李治廷前日都飛咗去巴黎做LV騷首行座上客，第一次見到萬人迷碧咸，即變做小粉絲黐實碧咸影相，噚日凌晨佢喺微博大讚碧咸積極做慈善，又話連自己都俾佢電親，唔怪得之佢失晒魂，一開口就恭喜碧咸退休。
李治廷喺微博自爆話：「我一直覺得運動員能光榮退休是很開心的事情，畢竟是有風險的工作嘛。但是我一開口就跟人家說『恭喜你退休！』非常尷尬。」好彩當時碧咸冇為意，佢話：「退休就唔使再受傷，連碧咸都答唔使再擔心受傷係件好事。」
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange