馬德鐘與老婆張筱蘭昨日在西港城舉行瓷婚慈善晚會，筵開30席，佘詩曼、苟芸慧、琦琦、馬詩慧與谷胸薛芷倫等到賀。阿佘不透露是否送5位數人情，問到是否羨慕馬德鐘？她謂戥對方開心，值得學習，希望自己快找到另一半，現在有人追？她說：「秘密，但開心。」事業心重慢慢搵？她說：「唔係，人生去到某階段做某啲嘢，但去到嗰個未必稱心如意。」考慮內地追求者？她說：「未遇過，乜人都唔緊要，要錫我同溝通到。」
苟芸慧被指食抑鬱藥而肥，她澄清：「有睇中醫調理，唔好講我肥唔肥，冇食藥，冇抑鬱！」對於緋聞男友郭富城在上海攬女，問她有否呷醋？她說：「有睇，佢私人生活，咁大個人，唔會呷醋。」她亦覺與龍小菌相似。另外，問琦琦與馬詩慧會否學馬德鐘夫婦搞結婚周年晚會？二人表示低調，琦琦說：「日日開心，使乜搞？食飯、打邊爐就得。」馬詩慧說：「我哋過咗20周年，如果係搞要再等。」
採訪：譚倩宜
攝影：黃偉雄
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange