日本型男福山雅治近日首度訪港，宣傳其擔正的新片《神探伽俐略2：真夏方程式》，日前福山在尖沙嘴海港城出席新片首映禮，昨日到將軍澳電視廣播城宣傳新片及接受無綫訪問。為了隆重其事，無綫安排港姐冠軍張名雅及最上鏡小姐岑杏賢充當禮儀小姐，但感覺似罰企迎賓，除有港姐接待之外，無綫亦送上鮮花及TV Bubby作禮物。
昨日大會早已表明因時間關係，福山雅治不接受傳媒採訪，福山只出現約5分鐘，讓傳媒拍照後便離開，不過福山亦表現十分親民，不時露出笑容。貴為港姐冠軍的張名雅昨淪為禮儀小姐，她說：「都應該㗎，佢咁遠嚟香港，我哋要畀個warm welcome佢。」
張名雅更大讚福山很有魅力，她說：「好興奮，我都唔敢望佢，好有魅力，由入面散發出嚟，我有同佢講welcome to Hong Kong，佢都有答番我thank you！」岑杏賢表示因於英國留學，故對福山不太認識，但日前上網查看福山的資料，她說：「原來佢同我爸爸同月同日生。」
揮手慰粉絲
完成香港宣傳之旅後，福山昨日下午2時半出現香港機場，逾百fans送機，當中大多以中年女fans居多，有fans更帶同橫額送機。福山在機場工作人員安排下，由職員通道前往機場離境大堂，機場方面為免混亂，更出動十多名保安職員沿途保護及圍起鐵欄。福山亦有十多名工作人員及貼身保安陪同離開，派頭十足。福山看見熱情的fans送機也表現得好開心，向fans親切揮手，福山入禁區時，亦回頭與fans揮手道別，但未有停下來簽名及影相。
採訪：王崇穎、張俊銘
攝影：陳慧安
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange