《喜》NBA球隊塞爾特人重建決心夠晒狠，繼放走教練李華士，周四仲落實涉及8人嘅交易，將前鋒皮雅斯、加尼特同第6人泰利交易去網隊，換來G華萊士、咸菲利斯等戰將。表面睇，網隊呢單交易好蝕，3人都起碼35歲，不過勝在個個有總冠軍經驗；佢哋呢次即食式交易，成個正選陣容嘅人工過8,200萬美元（約6.4億港元），睇嚟新季拎唔到冠軍恐怕都要變天。
另外，2013年選秀大會周四喺紐約舉行，手執狀元籤嘅騎士爆冷選咗內華達大學（UNLV）嘅大前鋒A班納特；來自加拿大嘅A班納特，係繼姚明、保格同巴蘭尼後，第4位外籍狀元。原本狀元大熱、中鋒路維始終左膝十字韌帶有傷，結果跌到去第6位俾塘鵝揀中，但隨即被交易去76人；塘鵝換來控衞賀里迪。76人上季引入拜林，全季因傷缺陣，今季又搵傷膝中鋒，小心又係蝕本貨呀。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange