梁振英上任前以改革者自居，聲稱會改善港人住屋環境及土地供應。一年過去，樓價仍高企不下，港人港地由國企高價奪得；政府開發新市鎮，卻被民間團體踢爆是「騙地謊言」，因當局坐擁以千計公頃閒置土地及短租地不用，卻圖鏟平農地鄉郊，毀人家園。本土研究社成員陳劍青指，今年7.1不上街推梁振英倒台，難以扭轉與民為敵的土地政策。
記者：梁德倫
陳劍青指梁振英上場後引發多場土地規劃爭議，例如提出要開放邊境禁區，變成予內地人免簽入境的「特區中的特區」，引來割地賣港的指控。他又在施政報告提出要開發多個位處偏遠的新市鎮，其實似為中港融合開路，「好似洪水橋係為咗配合前海，東涌填海又為咗港珠澳大橋，嚟緊仲有一個新界北計劃，睇番地理環境就知唔係為港人服務咁簡單」。
公私房屋比例失衡
他說，新界棕土（意指附近環境遭破壞的土地）、各區閒置土地及短租地等，動輒以千公頃計，「佢個管治團隊成日叫我哋打開地圖搵地畀佢，其實一打開周圍都係」。他說，上屆政府在土地規劃上向地產商傾斜，現時梁振英政府則向內地傾斜：「港人港地畀國企機構高價投得，你話幾諷刺，根本係為紅色資本開路入嚟分餅仔。」
他續說，要改善住屋環境，應由調整公私營房屋在發展計劃的比例，僅推地拍賣，可能只是幫忙推高樓價，「如果政府肯起多啲居屋公屋，根本就可以幫到好多人，但係好多時私人房屋比例係高到嚇死人，安達臣道個計劃竟然去到8比2咁離譜」。
陳劍青稱，香港要反思，「發展如果一味講同大陸融合，但佢政策突然嚟個大轉變，可以隨手唔要香港，到時全港一齊輸晒邊個負責」？他提到，近年越來越多內地人到港買菜，「證明本地農業都有自己嘅重要角色，唔係一味鏟平晒起樓就啱」。
他指土地荒其實是「土地謊」，「政府成日話好多餅碎地唔用得，但賣地表又有呢類地推出仲賣埋」？
蘋果互動
今年7.1，有咩理由令你上街？（首六位）
1 爭取真普選：456人
2 要梁振英下台：384人
3 不滿政府垃圾施政：230人
4 抵制建制派購物優惠，上街不消費：126人
5 我只係搵唔到一個合理理由唔上街：93人
6 預演佔中：72人
你估今年有幾多人7.1上街？
少過10萬人：25票
10-20萬人：25票
20-30萬人：31票
30-40萬人：59票
40-50萬人或以上：680票
讀者可登入《蘋果互動》facebook專頁投票。投票結果會在7.1前於《蘋果日報》刊登。（上述投票結果截至昨晚10：30時）
http://www.facebook.com/AppleDailyExchange
新界東北的故事
■古洞的火龍果農莊採摘的有機車厘茄，隨時裝滿籃。
新界東北Style
提供圖片
■一群錦鯉優哉悠哉在綠樹林蔭的碧綠湖水閒游。
■區內也有本土工業，如醬油廠便與市民息息相關。
■每逢假日，馬屎埔村不但遊人多，蝴蝶更多。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange