《怒》家陣嘅體育用品商認真冇商業道德，將啲波衫一雞幾味。好似三間牌咁，佢哋係多間英超同英冠球會嘅波衫製造商，但今季嘅侯城作客波衫、保頓主場波衫同新特蘭作客波衫嘅款式係一模一樣，只係顏色唔同，仲要賣成45鎊（約532港元）一件。查實上季車路士（藍衫）同史雲斯（白衫）主場波衫都係咁情況，所以啲球迷都忍唔住出聲。