貌似苟芸慧的龍小菌，兒時是肥妹仔一名，那苟芸慧小時候的樣貌又長得怎樣？童年被同學笑做苟苟的苟姑娘是大家姐，對下有一妹一弟，外表斯文的她與妹妹由細打交打到大，甚至互扯頭髮，十足電影情節。苟姑娘最難忘一家經常去旅行，溫馨滿瀉。
撰文：王崇穎
在台灣出世的苟芸慧，十歲便全家移民加拿大，故對十歲前的童年生活沒有太大感覺，她說：「喺台灣讀到五、六年級就移民，台灣嘅生活比較唔開心，因為嗰邊讀書壓力好大，屋企人又忙住工作，好少可以一家人共處，返學又冇太大特別，只係啲男同學鍾意改花名，佢哋成日都改我叫苟苟，不過呢個名去到加拿大就冇人再叫。」
箍牙冇人讚靚
苟姑娘坦言很喜歡加拿大的童年生活，因無論生活或求學均十分自由，她說：「我嗰時又戴眼鏡又箍牙，都冇人話我靚女，加上媽咪嗰時成日教我哋外表會變，內在美係唔會變，所以內在好緊要。」 她表示於加拿大讀書比台灣的生活更開心，她說：「因為冇咁大壓力，而且好多課外活動可以同朋友一齊玩。」
身為長女的苟姑娘家中有一妹一弟，她坦言與弟弟感情較好，反而經常與妹妹打交，她說：「真係會扯頭髮同頴面，不過通常弟弟都會幫我。我同弟弟比較夾啲，妹妹好麻煩，佢好貪靚同好公主，大個咗都係咁樣，我同弟弟就冇乜嘢所謂。」雖然經常打交，但依然有溫馨一面，她說：「喺加拿大嘅童年係好開心，因為我哋經常一家人聚會，每年都會去一次旅行。」
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange