劉嘉玲昨晚為香港脊髓損傷基金會的慈善籌款晚會擔任嘉賓，整個過程在亞視大埔總台進行並錄影，將安排在下月7日播出。同場的嘉賓還有組合Face to Face、杜麗莎、日本小提琴家西崎崇子及劉兆銘等。
大會司儀由陳啟泰及朱慧珊擔任，嘉玲以一襲高貴晚裝現身並負責移交支票儀式。她接受訪問時談及日前為老公梁朝偉在家中慶祝51歲生日，她說：「都冇乜神秘，佢一早知幫佢約咗班朋友喺屋企食飯，有買禮物不過唔會講係乜嘞。」
嘉玲表示偉仔近日新剪的髮型大獲好評：「好多朋友都話佢後生咗，因為之前個髮型係《一代宗師》到𠵱家，想變吓。」對於被好友催生，嘉玲笑言朋友不應將他們的價值觀加在自己身上，言下之意似乎不想生兒育女。
採訪：卓寶花
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！