無綫為增強台勢,豪花億元購得世界盃、洲際國家盃播映權,2013 Amazing Summer也正式揭幕。除大型體育盛事外,無綫亦安排「睇肉」宣傳,昨日一班「有料」姐仔大解放,梁政珏、白雲、莊思敏、沈卓盈、雨僑、陳庭欣及姚子羚七小花穿上泳衣加amazing tee水上競技鬥拋胸,處處Big波蕩漾,「睇肉Summer」確具睇頭!
無綫Amazing Summer其中一炮新節目《反斗紅星放暑假》下周一首播,昨日安排一眾男、女藝員到佐敦一酒店泳池玩水上遊戲宣傳,白雲、梁政珏、莊思敏、沈卓盈、雨僑、陳庭欣及姚子羚等均穿上三點式泳衣,但外穿剪裁過的tee上陣,只有曾華倩、謝雪心及麥玲玲三位家長沒穿泳衣。
雖然女藝員都穿tee,但經剪裁過變成amazing tee,白雲剪成露肩裝,梁政珏剪成低胸背心,莊思敏等多人則剪成闊領裝,內裏的泳衣清晰可見。遊戲開始,35E白雲先接旨落水,只要稍為俯身,即有倒奶效果,當她站在池中,猶如pat pat放在心口般!34D梁政珏落水時,華倩忍不住笑說:「梁政珏落水即刻升起咗呀!好養眼!」梁政珏玩遊戲時十分投入,當同事用水槍向她射水時,不經意雙手夾在胸前擋水,34D更見立體。
思敏剪Tee被寸
同是有料之人的34D莊思敏,因月事來潮未有下水,但她的amazing tee右邊突然跌膊,在旁的華倩寸她:「你係專登定唔小心㗎?專登我就唔幫你拉喇。」莊思敏俯身時亦不經意展示豐滿身材。而有份落水的「浸大咪神」楊焉及32D蔡慧欣,因為包得太密實而被忽視,反而雨僑、姚子羚、沈卓盈及陳庭欣稍為俯身,一招「鬼影變幻球」搶回不少收視率。
不便落水的莊思敏接受訪問時表示,不想沒公德心弄污泳池,對於被華倩寸跌膊搶鏡,莊思敏說:「冇所謂,件衫剪出嚟好難控制。」但剪得不夠梁政珏低胸?她笑說:「咦,咁不如唔好着!俾人搶鏡冇所謂啦,最緊要玩得投入,吓吓抱住搶鏡心態就大件事,好快會冇衫着!」梁政珏則透露事前不知要落水,又否認搶鏡:「件衫華倩有畀意見點剪。」
白雲強調毋須減肥
「胸贏」所有女藝員的白雲,被問到輕易有倒奶效果,她坦言:「靚嘢唔介意騷出嚟畀人睇,唔好收埋屋企自己睇。」她表示很滿意自己身材,強調毋須減肥:「荷李活好多巨星都好豐滿,係一種美,唔一定瘦至靚!」雨僑則要為電影《猛龍特囧》連戲,要包到冚及防曬,她笑說:「咁多靚女身材好,自己企埋一邊啦,又唔係身材好,好少攞出嚟招呼大家。」不過她於大合照時都忘形俯身,成功搶回不少風頭。
採訪:卓寶花
攝影:黃偉雄
話你知:暑期節目夠Fun
無綫由去年開始,於暑期舉行《Amazing Summer》活動,是暑期無綫各台綜藝、劇集等節目統稱,今年節目包括《寵愛Wakaka》、《反斗紅星放暑假》及《千奇百趣玩FREE D》,劇集則有《衝上雲霄II》及《情越三世緣》等。無綫亦透過手機程式,提供「Amazing Summer熱爆Fun」遊戲,與觀眾互動。
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange