英文講得好，肯定有前途。喺美國浸過鹹水嘅新民黨葉劉淑儀，學成返港出過唔少書教英文，今個暑假更加親身上陣，開班授徒教英文。當然佢唔係去補習社做兼職啦，查實係佢創立嘅匯賢智庫學苑，今年再開暑期班，500蚊12堂，畀高中生報名，賣點係有黨內星級導師教授中、英及時事課等。如果學生嚟自清貧家庭，會獲學費減免。
唔單止葉劉會重點教Critical Reading，佢嘅寶貝女Cynthia亦會上陣教英文。葉劉話呀，時事課都會講公民抗命㗎，但就唔會具體講佔中囉，佢仲賣花讚花香，話上年嘅中文暑期班，貼中過公開試嘅課題㗎。有興趣跟葉劉學雞腸，要去呢個網址報名嘞： http://www.savantas.org/SLAA/。