【記者直擊】
一手新例打沉新盤，全新工廈規管較少，毋須上載樓書，有地產代理甚至涉嫌教唆買家轉作住宅用途。記者昨在香港興業（480）旗下荃灣遠期工廈樓花「DAN6」地盤附近放蛇，一名代理向記者教路，購買後偷雞當住宅出租。香港興業再三提醒代理，DAN6是一座工業樓宇，用作工業用途。
記者昨日到荃灣工廈DAN6視察，該工廈毗鄰私樓爵悅庭，周邊代理行林立，統統大字標題貼上DAN6的資料。記者路經某代理行，一名年輕代理主動上前推銷該項目。
「瞓一瞓，冇問題」
及後，他帶記者到地盤現場，談及可否自住，他稱：「我唔可以直接答你……到時人哋問你，你咪話係入面做嘢……其實唔會check㗎，偷偷同你講，呢度（附近工廈）好多都劏咗房租畀人住，呢啲你知我知好啦，唔好咁揚！」
該名代理越講越離譜：「你租畀人住，預7,000至8,000蚊……附近立坊，建築300幾方呎，租10,500元……到時你唔係同人講自住，你同人講，員工喺入面做嘢，佢哋做到好夜，瞓一瞓，冇問題㗎。附近工廈已經有人咁做，已經有咗先河。」
其間，剛巧遇上兩名婦人，似乎對「工廈」也感到有興趣，代理即場游說。
本報將上述情況向地監局反映，該局回覆指，不評論個別事件，但根據上述情況，代理提供錯誤或誤導資料，令買家蒙受損失，會違反操守守則，或遭紀律處分，最嚴重撤銷牌照。
香港興業企業事務部經理吳書珮表示，在市場推廣及向代理簡介該項目時，已清楚交代DAN6是一座工業樓宇，用作工業用途。
另外，該項目昨日進行內部認購，提供約187伙，其中5樓至21樓，約165伙已獲承接，成交價由200萬至420萬元，平均建呎約6,000元，僅餘3樓及頂層因全層出售而未獲承接。該項目屬遠期工廈樓花，買家需於1個月內付兩成首期，至明年底入伙再付尾數，成交期約15個月，據知大部份為投資者。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange