小儀同EO2嘅Otto忙緊綵排舞台劇《賤泥積木》，噚日佢哋喺上環文娛中心作總綵排。劇情講飾演吸毒警察嘅陳康，喺disco識咗扮妓女嘅小儀，佢哋一出場就係咁打茄輪，唔止咀到落梳化，小儀仲擘晒腿，陳康就繼續有所行動，不知演得幾逼真。
咀到啜啜聲
佢哋攬埋一嚿咀足超過5分鐘，錫到啜啜聲，陳康仲疑似掂到小儀重要部位。事後小儀接受訪問，話之前都試過喺舞台劇kiss，但今次係最激，收劇本時都有啲驚，仲話喺現場聽到嘅啜啜聲係堅嘅。問小儀有冇被掂重要部位？佢即話：「冇，我係打底王，leggings都着兩條。」身旁嘅Otto就笑話：「陳康話佢着咁多條褲，如果要除好似數銀紙咁呀！」小儀話同陳康好熟，為咗部劇冇計，不過劇中講佢食煙就好難，好驚手勢唔似。而Otto喺劇中有一幕要着底褲，佢笑話七場都會着住呢條底褲，不過會換內膽喎！
撰文：馮仁昭
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange