【平衡報道】每年7.1都是各大政黨及志願團體顯示實力的大舞台，各方的微妙關係，都給梁日明看透了：「我發覺一樣嘢，唔同政黨之間，好多時都係你睇我唔到，我唔同你講嘢，山頭現象，嘆為觀止。大家本來係為咗同一樣嘢而來，但係各自為政，好過癮。」
社運不靠政黨支撐
梁日明最記得，2010年的7.1，由於民主黨支持政改方案，該黨幾位重量級人物遊行期間幾乎全程被社民連追擊。至2011年，從社民連分裂出來的人民力量繼續在遊行時追擊民主黨，但社民連則變了兩黨之間的緩衝，大部份時間守在民主黨與人力的隊伍之間。
梁日明與Benson都強調自己不從屬任何政黨。梁日明說：「啲人成日以為我哋幫支聯會、泛民，其實一啲關係都冇，佢哋一毫子都冇畀過我哋。而且我哋連親政府遊行都會拍，如果拍啲唔拍啲，就冇公信力。試過有泛民成員鬧我哋做乜拍愛港力遊行，我話我哋唔係泛民fans，唔可以柴你台就滅人哋聲。」
Benson也說，有政見不等於要支持政黨：「一個社會運動，不能靠政黨支撐。」因此他分享出來的照片，幾乎沒有一張看得見政黨徽號。
《蘋果》記者