日圓兌港幣徘徊八算之間，然後港龍航空講明暑假會加開航班飛日本，你，是否已蠢蠢欲動飛身東洋大掃特掃？雖然經濟差，不少品牌早在六月中旬已開始偷步減價，但堅持七月先開始的，單是一間伊勢丹已夠你流血不止！仲等？出發啦！
記者：陳劭敏 部份攝影：林栢鈞
大阪分佈唔夠集中
近來大阪力追東京成為港人最愛的日本城市，大阪站城、阪急梅田本店及關西巨Mall「Grand Front Osaka」相繼登場，打造超級Shopping地段，但偏偏Velvet主理人Iris還是鍾情東京，每年到大阪只約數次，但東京則每月最少兩次！點解？原來是貪東京夠集中！「喺東京，你去原宿搵唔到可以去新宿，再搵唔到就去池袋，掃貨地點相距唔遠夠就腳！」而且今年大阪大部份Mall六月已經減緊價，好多正貨都所餘無幾，去到可能仲失望！
睇埋退稅覆蓋率
Iris指出東京店舖九成也有退稅優惠，反之大阪覆蓋率就不及東京多，當然5%不算大數目，但大手入貨的話也慳唔少！Iris大力推薦的東京商場包括丸井百貨，貪它用銀聯卡有額外95折優惠；其次的是原宿laforet、池袋的Parco及新宿的Lumine，皆因這些商場都有不少香港暫無代理的潮牌，由少女至OL都會搵到心水。大減價由各大商場領軍，至於去路面店掃貨，Iris最愛就是裏原宿及竹下通，想要特別的貨色則會轉戰代官山的小店。近年日本經濟差，不少潮牌在全國大減價前，都會率先在六月中舉行Pre-Sale，一般來說約有七至八折，像Iris這些月月到訪的VIP，部份品牌產品更會低至半價！
至於大阪，Iris則會主力逛阪神及阪急，其中除了日牌以外，也會找到不少歐洲牌子的限定產品。不過她會更推介路面店如堀江橙街、心齋橋及梅田一帶的商店街，因為有較多獨特貨可以選擇！
心水日牌推介
到日本掃貨當然要集中火力香港未有代理的品牌，以下四個日牌就是Iris的心水推介，她到當地入貨都例必狂掃！
Candy Stripper：在原宿、新宿My Lord及涉谷Parco均設有分店，品牌分可愛及搖滾風，以前者較受歡迎，主打甜美少女風，風格夠晒開心活潑！
查詢： http://www.candystripper.net/
Franche Lippee：在丸井百貨及原宿laforet都可以找到品牌身影，被稱為Tsumori Chisato妹妹牌子，風格與TC相近，但價錢則平一半有多！
查詢： http://franchelippee.com/
Fur Fur：屬較貴價的高檔日牌，在日本除了時裝亦有做婚紗，Lace是品牌的撒手鐧！品牌在涉谷Parco及原宿laforet均有分店。
查詢： http://www.furfurfur.jp/
Muchacha：古靈精怪牌子，BB頭、小貓及蘑菇都是品牌標誌，愛玩趣怪插畫及Pattern；早前推出的「頭髮袋」是品牌得意作。於原宿及新宿Lumine有店。
查詢： http://ahcahcum-muchacha.jimdo.com/
攻略貼士
綜合減價網Tokyo Bargain Mania專家意見，近年大公司減價日期走向兩極化，前半組如高島屋的早在六月已開波，而後半組又推遲到七月中才開始，由於近年一開始減幅已達30-50%，要執好嘢（因為貨量有限），一定要減價第一日就去搶，如果現在才計劃出發，齋攻屬後半組的公司如伊勢丹就夠！
新宿伊勢丹
日期：7月17日起
查詢： http://www.isetan.co.jp/icm2/jsp/store/shinjuku/index.jsp
大丸東京店
日期：今日起至7月2日
查詢： http://www.daimaru.co.jp/tokyo/index.html
原宿laforet
日期：7月25日至29日
查詢： http://www.laforet.ne.jp
丸井百貨
日期：今日起
查詢： http://www.0101.co.jp
新宿Lumine
日期：7月12日至16日
查詢： http://www.lumine.ne.jp/shinjuku
池袋Parco
日期：7月4日至22日
查詢： http://www.parco.co.jp/parco/