靚媽唔易做！隨着手機、相機越來越普及，英國越來越多中產靚媽為留下產後第一倩影，紛紛湧往美容院光顧產前美容套餐，脫毛、修甲、古銅仿曬噴霧，全部做齊，令產前美容套餐急升一成。
「D-Day」不是二戰盟軍登陸諾曼第的大反攻日，而是靚媽臨盆大日子（Delivery day）。27歲靚媽斯維津斯卡產前美容就像行軍打仗，她入產房前一個月就先幫襯美容院，加長眼睫毛、幫頭髮做挑染、修甲、比堅尼蜜蠟脫毛等，務求令自己在產後第一照，由頭靚到腳趾尾。她果然不負眾望，生下兒子杰克兩小時後的「產後第一照」明艷動人。
產前美容其實也要講時機，不要太遲是美容師的忠告。一般靚媽都會在臨盆前一個月做好產前美容，不過，也有靚媽時間抓得太緊，產前兩天才去扮靚靚，但寶寶突然提早出世，令靚媽美容大計大打折扣。
陣痛照剃腳毛
也有靚媽誓不低頭，34歲靚媽胡斯特韋特突然陣痛，她為了靚絕產房，一面忍着劇痛，一面沖涼、洗頭，剃腳毛、拉直頭髮、做仿曬噴霧，把自己扮到美艷動人，才飛車前往醫院分娩。
英國《每日郵報》
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange