【中環置地廣場】謝玲玲雖然同林建岳離咗婚，不過同前度奶奶余寶珠嘅關係非常好，早前仲一齊慶祝母親節。前日謝玲玲同囡囡林恬兒、前度奶奶三代同堂去睇衫，大概下晝3點鐘，佢哋三個一齊去中環置地廣場濕平，將一頭白髮漂染成粉紅色嘅余寶珠非常搶鏡，佢哋入咗一間名店睇晚裝。林恬兒出入試身室，而祖母余寶珠同媽咪謝玲玲不停畀意見，經常叫店員攞衫畀佢試，前後30分鐘已經買到心頭好。
採訪、攝影：彭琮然
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！