袁潔瑩（Fanny）、傅明憲及楊愛瑾等昨日現身觀塘的健康食品活動，Fanny透露忙為月中開拍，曾志偉監製的無綫劇《Aerobic Girls舞室保衛戰》準備，她說：「要調節生理時鐘，𠵱家要7點起身，以前瞓到3、4點都唔出奇。」
問到Fanny再拍劇會否緊張？她表示：「唔緊張，加上有七個女仔拍，群戲多，唔會集中一個人，唔太辛苦。」問到會否擔心拍攝時間長？她表示：「傾咗，每個禮拜有時間去針灸，唔太多外景，年紀唔細，狀態好緊要，𠵱家成30度，每日都會化吓妝，兩三個鐘頭會補吓妝，睇自己適唔適應到，夏天拍劇都OK，冬天反而驚。」問到會否驚眾女比較狀態？她笑言：「各有各優點，唔係選港姐，係勵志劇，當初接都唔係鬥戲份。」
採訪、攝影：馬建華
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！