陳法拉昨日與新婚兼準爹哋「雙喜」的陳豪，齊齊現身中環的Clinique護膚活動。盛傳為錢與Neway大少薛世恆分手，頓變「雙失」的法拉由美國進修回港，她在台上已放風生活有大變化，心情笑容都表現開朗。
男友降格為薛生
法拉透露會在美國進修戲劇至八月中：「戲劇改咗我好多習慣，以前性格好直接，只有黑同白，𠵱家會企喺中間角度，呢啲係終生改變。」記者直接問法拉的感情狀況，她即冷笑兩聲：「我喺美國知道有報道，打咗畀薛生商量過，大家對感情有共識，兩個人嘅事應該低調，佢唔係呢行人，呢方面我哋一致，薛生話唔需要回應。」
法拉自稱現在處於幸福開心狀態的新開始，她表示：「𠵱家我好開心，呢幾個月過得實在，清晰以後路點行，呢幾個月變化好大，𠵱家自己係好幸福狀態。」
對於有傳因想自組公司而跟薛世恆因財失義，法拉說：「祥仔（阮兆祥）都講咗開公司唔使錢，要商業登記。」再追問法拉與薛世恆的感情狀況，她才默認：「一個良好關係，覺得兩人相處，尤其咁多年，難用三言兩語嚟講，我唔忍心用我把口講出佢嘅定位，希望低調，始終係私隱。」
法拉否認先提出分手，問到她是否因情變去讀書，她強調：「每個人有選擇自己嘅價值觀，大家付出努力，唔好將工作掛鈎金錢度，無論感情同經濟點，都一定會做演藝圈。」對於薛家新抱諸葛紫岐有喜，法拉亦有恭喜：「一定恭喜，係小生命。」
陳豪繼續笑笑口出席活動，問到妻子陳茵媺的喜訊可否公佈，他笑言：「Not yet，大家唔好咁心急。」對於舊愛廖碧兒被群插，他表示：「呢件事係我哋開心事，以前嘢唔作評論，希望大家開心。」
被踢爆見王維基
此外，活動後陳法拉跟兩名女友人上了一輛七人車過海，其間她換了出席活動的大露背裝。之後她到了海港城一間餐廳飲下午茶，當任達華來到得知記者在等陳法拉時，他漏口風說：「佢同王維基傾偈呀？」之後法拉乘車去到快活谷馬會會所晚膳，並叫記者不用再等。
採訪、攝影：梁繼光、黃曉程
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange