【本報訊】儘管金價屢創新低，但六福（590）公佈截3月底全年業績，仍優於預期，按年只倒退5%至12.7億元。主席黃偉常強調，就算金價下滑令毛利率下跌，「但賣多咗嘅量足夠抵銷到，有信心實質利潤仍然會升。」
記者：吳綺慧
六福在搶金潮出現之先，1至3月份同店銷售已回復增長勢頭，香港及內地分別升29%及14%。黃偉常稱4月以來這股強勢本來一直持續，加上金價突然急跌，更刺激中、港兩地顧客四出搶金，存貨都被掃光了幾轉：「搶金潮係令銷售更加好，但係就算冇咗搶金，生意都唔係差。」
對沖比率上升
黃偉常坦言，金價近日再急跌至超過2年半低位，中、港大媽又再出動，不過新一浪的搶金潮，的確沒早前般熾熱：「係有消退到，但只要金價一浪浪咁跌，每急跌一次，都總會引到一班人出來買的。如果金價跌定咗，然後長期牛皮，咁就真係冇乜刺激喇！」
記者昨日下午於尖沙咀多間六福分店所見，店內購買金飾的顧客明顯較平日增多，但與4月時迫爆分店的場面，已不可同日而喻。而曾經被掃清的龍鳳鈪、金鏈，現時貨源亦相當充足，只有極少量產品缺貨。
對於投資者憂慮金價急滑，會損害公司利潤率，財務總監陳素娟表示，已把對沖比率由原本的10%至15%，提升至20%：「我哋用市場一般較悲的睇法、假設金價跌到1,100美元，公司喺呢個水平以上買入的存貨，都對沖咗50%，大約佔我們總存貨超過一半。」
陳素娟透露，公司評估每當金價每下跌5%時，對純利的影響大概約900萬元。
股價恐未見底
有零售分析員認為，在金價持續疲弱影響投資氣氛下，六福股價難言見底：「你覺得到呢個價雖然係平，但大家唔敢博，情願真係睇到第一季（即4至6月）條數OK先算。同埋搶金呢啲，好短暫而已，就當你生意兩個月爆升40%至50%，但之後回復平穩，利潤率受壓、產品組合等問題，都會顯現。」
六福去年度營業額升12.6%至134.1億元，毛利率大跌逾2個百分點，至21.1%，主要是期內金價再沒有大升、令公司可賺取升值差價的緣故。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange