呢排天氣悶熱又翳焗，八方都冇乜嘢胃口，噚日見到兩間舖頭宣傳相，食慾頓時返晒嚟。其中一間係「囍歡里鹵味店」，據講由狼振英主理，啲鹵味肯定好睇又和味啦。吖，唔知7.1遊行期間有冇優惠呢？八方咪打去舖頭電話689689，想問吓詳情囉，點知打完先發現，少咗兩個號碼。咦！又呃人，咁衰㗎。
好彩，仲有間「糖應蓮」甜品舖。又糖又蓮子，肯定甜甜蜜，喺呢啲狼英嘅苦日子，係唔錯嘅選擇。據知呢間甜品舖位於元朗，𠵱家仲請緊人。如果呢間甜品舖開喺地牢，加上提供埋紅酒，嘩！諗起都好有意境，真係perfect，話唔定唐唐都會幫襯喎。