狼英上任特首一年,香港社會民怨沸騰,公民黨趁7.1遊行將至,噚日推出以「忍無可忍,對狼說不」為主題嘅7.1紀念品,當中有勁得意嘅「小紅帽」公仔毛巾同T恤,寓意踢走代表狼英嘅「大話狼」。據八方了解,今次啲毛巾同T恤產量屬「限量版」,每款只有千幾件㗎咋,相信極之搶手!為咗呼籲市民7.1上街同加入公民黨,公民黨早前特別搵靚女演員演出短片,以上春樹「高牆與雞蛋」論為主題,公民黨唔少成員、包括黨魁余若薇都客串化身雞蛋,大家不妨去呢個網址欣賞吓: http://youtu.be/m7p1Mn-xTW8
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange