大導演陳果日前將新片《迷離夜》宣傳片放上YouTube，其中一段講盧海鵬飾演嘅黑幫坐館「梁震嬰」、要求飾演神婆嘅邵音音幫佢打小人，藉此掃除阻礙佢上位嘅勢力，被網民like爆。陳果噚日喺D100講解佢嘅創作理念，話舊年開呢部戲嘅時候，社會上嘅聲音「好鬼嘈」，覺得幾得意，然後咪有呢段戲囉。佢話用同音字而唔用真名係想幽默啲，玩吓嘢。唔擔心因為內容太敏感進軍唔到強國咩？陳果話部戲冇諗住喺大陸上映㗎。佢仲話，唔知部戲算唔算香港嘅文化遺產，但就覺得，「有啲嘢你如果唔做，就唔覺唔覺，又冇咗㗎嘞」。