導演嚴浩上月初跟劉家良及翁靜晶有一面之緣，前日嚴浩接受電話訪問時說：「劉太請我去佢屋企幫師傅試整布緯食療。」之後嚴浩上門用亞麻籽油及茅屋芝士調製了一趟布緯食療，不過劉師傅吃完後眉毛像打了結，嚴浩說：「師傅應該接受唔到嗰種味，我話要戒肉，佢就話『唔食肉，食魚翅得唔得？』我話『梗係唔得，最好淨係薯仔同番薯，或者日本納豆。』翁靜晶笑笑口話：『師傅你今次慘嘞，納豆你實頂唔順！』」
當晚翁靜晶表示劉師傅試藥後胃口極佳，還追問川貝湯等食療法，嚴浩說：「癌症病人好多時食唔落飯，食到係好事。不過一排之後劉太話師傅戒唔到肉，同埋成世都唔食芝士，細路仔時已經食好多番薯，唔想再食。」
張堅庭曾介紹醫生
堅庭前晚出席首映時透露：「當年介紹佢去中大耳鼻喉科，師傅接受治療情況都OK！」此外，有報道指劉師傅自癌症復發後，翁靜晶為他花了逾百萬元買標靶藥控制病情。
採訪：何慧斯
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！