無綫同四大破咗冰之後，多番歌手做節目，不過噚日錄影嘅《勁歌金曲》，又係熟口熟面嘅Twins同吳若希做嘉賓，Twins嘅鍾欣桐（阿嬌，圖左）講到同男友K先生分手嘅事，阿嬌話試過挽救，但始終生活方式唔同，協調過最後都係唔得，佢仲話嚟緊兩年都唔會拍拖，用啲時間嚟學跳舞、大提琴同外語充實自己好過。而好姊妹蔡卓妍（阿Sa，圖右）就話會繼續物色筍盤畀阿嬌。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！