【本報訊】楊家誠涉洗黑錢案，有「金勞詹」之稱的前立法會議員詹培忠以辯方證人身份作供，他在庭上不改招積作風，指楊家誠是暴發戶，當被控方翻舊賬質疑1998年因串謀偽造假文件判監時，即反駁「（我）之後仲做到八年立法會議員，證明我嘅誠信遠遠跨越政府」。法官制止他與控方鬥嘴時，詹連法官也冇面畀，「你細聲啲得唔得，我唔係嚟畀你喝，我係嚟做證人」，令人忍俊不禁。
記者：陳美珊
詹培忠自稱縱橫股壇40多年，約於10年前經朋友介紹認識楊家誠。他形容楊為暴發戶，靠炒細價股奥瑪仕控股「賺咗十億八億」，全香港曾參與細價股的人也聽聞這消息。
詹承認2007年助楊進行場外交易，購入其次子公司持有的建星環保（現稱百田石油）2億8,000萬股，作價每股1毫，比巿價4毫3仙大幅折讓。楊數天後透過澳門賭場，將2,800萬元款項存入詹的澳門賭場戶口。詹稱巨額折讓售股予楊為商業決定，「留到𠵱家肯定唔夠十分一仙」。
「我同張震遠唔熟」
辯方出示一張由詹開出予楊父的391萬元支票，但詹稱已忘記簽發支票的原因。辯方問詹該金額對他而言是否大數目，詹笑言：「在我嚟計，三幾百萬係一個好細嘅數目，相信對楊生都唔係一個大數字。」
詹其後接受控方資深大律師李定國盤問，李自爆1998年詹被控偽造假文件一案，正是由他提供法律意見。詹聞言即稱：「咁證明你未必做得啱，因為告我六條罪，最後得一項成立！」李質疑詹當年作供，聲稱不熟悉轉讓股票後支付釐印費的程序，但昨天於庭上卻顯得熟悉，詹立即投訴：「佢想意圖話我口供唔可信，不過我俾政府不公平檢控之後，仲做到八年立法會議員，我嘅誠信遠遠跨越政府！」
詹作供完畢後，在庭外表示出庭「唔係要幫邊個」，並說跟楊「唔熟」，又將早前問他借800萬元應急的張震遠拖落水，稱「我同張震遠就更加唔熟」。他自爆：「我係佢（楊）偶像，我早佢好多年搞精工、寶路華，佢之後就搞伯明翰，但我成日叫佢快啲賣。」。他說沒有與楊一同賭錢或鑽研炒股，因二人「唔同年代，有代溝」，但笑指楊炒股「死好運」。
案件編號：DCCC860/11
詹培忠庭上語錄
1.（獲悉主控當年為律政司就他偽造假文件一事提供法律意見）
「咁證明你未必做得啱，因為告我六條罪，最後得一項成立」
2.（被質疑曾串謀偽造假文件判監時反駁）
「之後仲做到八年立法會議員，證明我嘅誠信遠遠跨越政府。」
3.（法官制止詹與主控鬥嘴時還拖）
「你細聲啲得唔得，我唔係嚟畀你喝，我係嚟做證人！」
4.「我同楊家誠唔熟，同張震遠就更加唔熟。」
5.（被問及是否認識奧馬仕控股前執行董事林卓華時）
「我淨係識街市偉（奧馬仕大股東）。」
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange