公牛名宿「2哥」柏賓（圖），日前去咗加州玩，周日同屋企人去咗一間明星餐廳食飯。話明明星飯堂，梗係會有fans喺出面等攞簽名啦，不過睇嚟2哥想快啲走，唔肯畀簽名一位球迷。兩人更因此發生爭執，2哥仲出手傷人，搞到球迷受傷入院。警方周一仲派人去請柏賓問話，2哥全程合作，現時仲未知警方會唔會告柏賓傷人。