【銅鑼灣】黃宗澤同楊愛瑾（Miki）拍緊無綫劇《貓屎媽媽》，劇情同咖啡有關，所以成日見佢哋喺咖啡室取景，前晚近10點，佢哋又到銅鑼灣耀華街一間cafe拍外景。
其實都係好簡單嘅兩人對話戲，不過每次拍完，Miki都好緊張自己嘅表現，叫停都會睇番重播，反而黃宗澤經驗豐富，一叫cut佢選擇同工作人員吹水。Miki除咗緊張之餘仲電話不離身，一轉機位佢就即刻攞電話不停傳短訊同講電話，唔知係咪打畀男友永安集團太子爺郭永淳？
採訪、攝影：李志明、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！