【銅鑼灣】名模歐陽妙芝當兩個囝囝如珠如寶，不過大人都要有自己嘅空間，所以大前日（23日）歐陽妙芝同老公方時俊就放低兩個小朋友，約咗一班朋友去咗銅鑼灣利園商場間agnès b.餐廳嘆茶。佢哋一行六人5點鐘就去到，成班朋友好似好耐冇見，一坐低就講唔停口，仲成日拎部電話出嚟玩自拍同互拍，之後仲交換相欣賞，玩到不知幾癲。不過歐陽妙芝兩公婆最後逗留咗個幾鐘就同朋友告別，坐的士返屋企。
採訪、攝影：李志明、徐錦池
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！