曾志偉說過，他有今日成就，第一個要多謝就是劉家良，昨日身在台灣的他，接受無綫娛樂新聞台訪問時，對劉師傅去世表示難過及惋惜：「三個月前曾經誤傳過劉師傅嘅死訊，當時我喺泰國，傳媒叫我回應，我將心中想講嘅寫出嚟，點知一邊寫一邊喊，到今朝收到呢個壞消息，覺得好難過。」
問到志偉跟劉師傅的多年交情，志偉說：「係佢帶我入行，我有今日成績，全靠佢，我對電影界對功夫片嘅認識，全部都因為師傅，佢係我尊敬嘅恩師，冇佢我冇今日！」志偉表示他跟劉師傅一直有聯絡，見到劉師傅面對自己患病的態度，他也十分心痛：「劉師傅對人對事，永遠都係做到最好。」
問志偉最懷念劉師傅甚麼？志偉大讚劉師傅為人很有義氣，很值得別人尊敬。志偉認為，武俠片、功夫片有今日成就及地位，劉師傅居功至偉：「當年劉師傅同唐佳每次度招式，我哋班武師全部都唔會走出錄影廠，好似欣賞緊兩位雕匠去雕刻佢哋最緊張嘅作品，大家都會好驚嘆點解佢哋可以度出呢啲咁好嘅招式，我可以話佢喺行內係大師中嘅大師。」
採訪：葉雪
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！