方力申、郭秀雲及林一峰昨現身銅鑼灣遊艇會，齊齊推廣護鯊工作，方力申透露已兩年未有吃魚翅：「自己游水出身，要保護海洋生物，魚翅係冇營養價值，啲人都係飲個湯，鄧麗欣都冇食翅，我都會呼籲身邊人唔好食翅。」記者笑他將來婚宴會否有魚翅這道菜？他說：「魚翅同鮑魚都唔會有。」
身為海洋保健工作者的郭秀雲表示，不停對外宣揚停止吃魚翅，問她與友人吃飯時會否有衝突？她說：「同鯊魚女陳細潔食飯都有講呢個問題，都有叫佢唔好賣，賣第二啲，不過大家係朋友，唔會嗌交。」郭秀雲更提到長輩較難說服：「家姐前排娶新抱，勸咗好耐都唔肯擺酒冇翅食，呼籲有長輩同老人家擺酒時，去搵啲冇魚翅嘅酒家。」
採訪、攝影：卓寶花
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！