飛鷹（白衫）噚晚喺新伊館舉行嘅甲一季後賽總決賽，對住人強馬壯嘅南華（紅衫），開賽初段都幾緊張，第1節發揮麻麻，對住衞冕冠軍全場緊迫打法，外線同內線都失靈，早段已落後13:24。不過，第2節飛鷹企穩陣腳，加強防守，現場過半數球迷大部份鋤強扶弱，幫飛鷹打氣，後衞梁民熊開始發威，攻入4個3分球，帶領球隊追到36:41完半場。
南華第3節攞番個勢，搞到梁民熊下半場得兩分，最後更以77:61擊敗飛鷹，喺5場3勝嘅總決賽先下一城。第2場會喺下星期二上演。另外，永倫頭場以91:70大勝福建，喺3場2勝嘅季軍戰先拔頭籌。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange