鬥靚出身嘅「大隻妙」同「絕種」分手後，身形暴脹到肥腫難分，連事業都冇乜起色，事關佢待人接物好有問題。話說大隻妙啱啱當選，同記者不知幾老友，不過自從佢多劇拍，仲拍咗套唔入流嘅荷李活片之後，開始當自己係巨星對記者變臉，搞到冇人同佢做訪問，之後大隻妙先知死，要助手幫口講好話，卒之有次有個記者大庭廣眾話：「大隻妙過嚟做訪問。」佢都要笑笑口死死氣走過嚟傾偈。無疑個記者係冇品，不過故事教訓大隻妙，得意時都唔好去咁盡。
撰文：關仁
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！