【劉家良病逝之手足情深】武打明星劉家輝是劉家良誼弟，兩人曾經合作無間，但後來劉家良曾接受訪問指劉家輝忘本，不過劉家輝還是人前人後很尊重誼兄。前年劉家輝中風後入住護老院休養，他與前女助手的金錢糾紛鬧上法庭，昨日也沒出庭。
呆一呆閉目擰轉身
昨日記者致電給劉家輝發言人樊奕敏，她表示：「今日因為要話畀佢聽贏咗官司，所以去醫院見佢，我同佢講，今日有兩件事通知你，第一件係法院已經將你啲錢攞返嚟啦，佢聽到後就點點頭。之後我話第二件事你要放鬆心情去聽，見佢呆一呆。當我話畀佢聽劉師傅今日走咗啦，佢即刻眼泛淚光，閉目，擰轉個身。」
樊奕敏見劉家輝如此傷心，立刻安慰說：「Gordon（劉家輝）唔好諗其他嘢，搞到自己唔開心啦！」樊奕敏指早前有朋友來探望劉家輝時，有提到劉家良的狀況， 所以應該有心理準備，其朋友說劉家良患病都沒放棄治療，勸他也不應放棄，他聽了後點頭。
200萬交法庭保管
至於劉家輝早前入稟控告前女助手馮英華，要求她交代兩個合共有200萬元、代劉持有的銀行戶口往來紀錄，並且交還款項。法庭昨日頒令，劉的前助手須將戶口內存款暫交法庭保管，等候正式聆訊，申請押後至9月9日再處理。案件兩位當事人昨日未有現身，只由代表律師出席聆訊，而身為劉家輝好友兼現任委託人的樊亦敏亦有到場，樊亦敏對於法官在庭上的初步判決亦表滿意，她說：「法官要求合共差唔多200萬嘅錢交由法庭代管，而一筆過就畀番15萬家輝哥作為生活費同醫療費用先，家輝哥好想用自己嘅錢去照顧番自己。」
樊奕敏表示劉家輝的積蓄已用得七七八八，目前主要以朋友墊支，而是次律師費亦由朋友幫忙，不收分文，她表示劉家輝目前康復十分理想，精神亦不錯，已開始講些單字。
採訪：王崇穎
攝影：黃文偉
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！